ავსტრალიის სამხედრო საჰაერო ძალები, ტერორისტული ორგანიზაცია ,,ისლამისტური სახელმწიფოს“ წინააღმდეგ, კოალიციურ ძალებთან ერთად სამხედრო ოპერაციაში მიიღებს მონაწილეობას. აღნიშნული განცხადება ქვეყნის პრემიერ მინისტრმა ტონი ებოტმა სააგენტო ,,Reuters“ -თან ინტერვიუს დროს გააკეთა. მისი თქმით, უახლოეს მომავალში ერაყში ავსტრალიელი სამხედრო სპეციალისტები ჩავლენ, რომლებიც კოორდინირებას გაუწევენ ერაყელ კოლეგებს და ერაყის ხელისუფლებას, სამხედრო კონტიგენტის გადამზადებაში დაეხმარებიან. მიმდინარე წლის 2 ოქტომბერს ტერორისტების წინააღდეგ ბრძოლაში კოალიციურ ძალებს, რომელსაც ამერიკის შეერთებული შტატები ხელმძღვანელობს, თურქეთიც შეუერთდა. ქვეყნის პარლამენტმა თურქ სამხედროებს სირია ერაყის ტერიტორიაზე საბრძოლო მოქმედებებში მონაწილეობის უფლება მისცა.