„ოცნებაში“ ისეთი პროცესებია დაწყბეული, რომ თუ ივანიშვილმა ვადამდელი არჩვნები არ დანიშნა, მაშინ „ოცნების“ შიგნით შეიძლება, ისეთმა ფრთამ გაიმარჯვოს, რომელიც ივანიშვილის კონტროლიდან გავა. ამიტომ, ივანიშვილი იძულებულია, რომ  ვადამდელი საპარლამენტო არჩევნები დანიშნოს,“ _ აცხადებს „ქრონიკა+“-სთვის მიცემულ ინტერვიუში ვალერი გელბახიანი. გარდა ამისა, ჩვენი რესპოდენტი სხვა სკანდალურ განცხადებასაც აკეთებს. კერძოდ, ამბობს, რომ ირაკლი კობახიძე „ოცნების“ დამფუძნებელს აშანტაჟებს და თუ პარტია მის „ხუშტურებს“ არ გაითვალისწინებს, უმრავლესობას დაშლის, რასაც ავტომატურად მთავრობის შეცვლა მოჰყვება.

მოკლედ, რა ინტრიგის ნაწილია გიორგი გახარია და რატომ შევიდა პროკურატურა თბილისის მერიაში? _ „ქრონიკა+“ ვალერი გელბახიანის ინტერვიუს წარმოგიდგენთ.

_ ბატონო ვალერი, ყველა არჩევნების წინ, როგორც წესი, თქვენს პროგნოზებს ვისმენ. აბა, ახლა, რას ფიქრობთ, 2 ოქტომბერს რა მოხდება?

_ ჩემი პროგნოზი ასეთია, რომ დიდი ქალაქებში მერის არჩევნები პირველი ტურით არ დასრულდება, ანუ მხედველობაში მაქვს რვა ქალაქი _ თბილისი, რუსთავი, ქუთაისი, ბათუმი, თელავი, სადაც მეორე ტურები გაიმართება.

_ მეორე ტურში, თქვენი აზრით, „ოცნებისა“ და ენმ-ს მერობის კანდიდატები დაუპირისპირდებიან თუ „ოცნებისა“ და გახარიას ხალხი?

_ არ მგონია, რომ გახარიამ ენმ-ზე მეტი ხმები აიღოს. უბრალოდ, ძალიან ბევრ ხმას წაიღებს და ამით გამოჩნდება, რა რესურსები აქვს. 

_ ვის, გახარიას?

_ არა.

_ აბა?

_ გამოჩნდება, „ქართულ ოცნებას“ მეორე ტურში მომგებიანი რესურსი ექნება თუ არა.

სხვათა შორის,  ყოველთვის ხაზს ვუსვამთ, რომ ნებისმიერი არჩევნებზე ადმინისტრაციული რესურსი ერთ-ერთ სერიოზული ბერკეტია. ამიტომ, ამ მხრივ მეტი უპირატესო, რა თქმა უნდა, კალაძეს აქვს, მაგრამ ახალ ფორმატში გახარიას გამოსვლა, ალბათ, დაგვანახებს, „ქართული ოცნება“ რეალურად რა რესურსს  ფლობს.

_ ეს გასაგებია, მაგრამ ამ არჩევნებზე ყველაზე მეტად თბილისია საინტერესო, სადაც დიდი პოლიტიკური ინტრიგაა _ მერობისთვის კალაძე, გახარია და მელია იბრძვიან. მეორე ტურამდე საქმე დედაქალაქშიც მივა და თუ მივიდა, ერთმანეთის პირისპირ  კალაძე-მელია აღმოჩნდებიან თუ კალაძე-გახარია?

_ მეორე ტური კალაძე-მელიას შორის იქნება.

_ წეღან გახარიას შანსებზე საუბრობდით. ახლა კი სხვა რამეს ამბობთ. ისე, თავის დროზე გახარია კარგ კრიზისმენეჯერად ითვლებოდა და ე.წ. შუაშისტეტბის მხარდაჭერაც, როგორც ამბობენ, ახლაც აქვს…

_ გახარია პოლიტიკური, ანუ ისეთი პარტიული სტუქრურები არ აქვს, რომლითაც   არჩევნების ჩატარებას უზრუნველყოფს. ამასთან, ელექტორალური მასაც არ ჰყავს _ ახლა იკრებს.

მოკლედ, ტენდეციის მიხედვით,  გახარია მზარდია, მაგრამ რესურსებს არ ფლოს, ანუ მის პარტიას არც ოფისები აქვს და არც აგიტატორ-კოორდინატორთა ორგანიზებული ჯგუფები ჰყავს. აქედან გამომდინარე, ამ არჩევნებისთვის მზად არ არის. უბრალოდ, ბედს ცდის. საერთოდმ პოლიტიკაში თუ ხარ, ბუჩქებში არ უნდა იყო და მხოლოდ შენიანები არ აომო, შენც უნდა იომო. ამიტომ, გახარია ვალდებული იყო, ასე მოქცეულიყო, თან უნდა თუ არა, თბილისი არჩევნები თვითმმართველობაში ყველაზე მაღალი რანგია. კაცს პრემიორებაზე რომ გაქვს ამბიცია, მინიმუმ, თბილისის მერად უნდა იყარო კენჭი!

_ გეთანხმებით… ბატონო ვალერი, სიტყვამ მოიტანა და, უცნაურად არ გეჩვენებათ, რომ კანდიდატურის დასახელებამდე გახარია კალაძეს შეხვდა? ისე, ამ შეხვედრას კალაძე ადასტურებს… ამ შეხვედრას ისიც დაემთხვა, რომ მერიაში პროკურატურა შევიდა. მოკლედ, ყველაფერი ეს რა თამაშია?

_ ეს ცალკე თემაა სუს-სა და კალაძეს შორის.

_ კერძოდ?

_ ღრმა, ასე ვთქვათ, წიაღში არ შევალ, მაგრამ პარტიაში ძალიან დაძაბული ვითარებაა. კალაძე ერთ-ერთი ფრთაა, ვისაც რეალური ძალაუფლება აქვს. ამიტომ, რა თქმა უნდა, ცდილობენ, ჩამოიშორონ. ბუნებრივია, გახარია ერთ-ერთი ხელოვნური აქტორია, რომელსაც ხელისუფლება იყენებს.

ერთ სიტყვით, ეს ვიზუალური კი არა, წყალქვეშა დინებაა, რაც საინტერესოა.

_ და ამ „წყალქვეშა დინების“ მიზანი რა არის?

_ „ქართულ ოცნებაში“ სერიოზული შიდა პროცესებია დაწყებული.

_ დავუშვათ, ასეა, მაგრამ  გახარია „ოცნებაში“ აღარა, ბატონო ვალერი.

_ არაა, მაგრამ გახარი კონტაქტსა დ აკომუნიკაციაში არის.

_ ვისთან?

_ ინტერესი სად იკვეთება და სად _ არა, ამას ამ ბრძოლაში, რა თქმა უნდა, ვერ ასცდება და შესაძლოა, ბრალი გარკვეულ ინტრიგაშიც დაედოს.

_ კერძოდ?

_ არ გამოვრიცხავ, რომ თავს იზღვევს და კალაძეს ეუბნება, რომ არაა იმ ინტირგის ნაწილი, რომელიც ახლა „ქართულ ოცნებაში“ აწყობენ. „ოცნებაშ“ უნდათ, რომ ახალაგზრდული ფრთა, რომლის მეთაურიც კალაძეა, მთლიანად ჩამოიშორონ.  

_ ამ ინტრიგის ავტორი ვინაა?

_ დანარჩენი ძალები.

_ კერძოდ?

_ შევარდნაძის პოერიოდი ხომ გახსოვთ? _ შევარდნაძეს ორი თაობა ჰყავდა _ ახალაგზრდა თაობა ჟვანია-სააკაშვილი სახით და ძველი, კომუნისტური თაობა, რომელსა პარლამენტში პულტად იყენებდა.

_ დიახ, მახსოვს, ვაჟა ლორთქიფანძე და „სასტავი“…

_ ამ ორ თაობას შორის ბრძოლა დაიწყო და რითიც დასრულდა, გვახსოვს.

_ ჰოდა, სწორედ გეკითხებით _ გასაგებია, რომ ახლააგზრდა თაობა კალაძე-კობახიძეა, მაგრამ ვინ არის მეორე, ანუ ძველი თაობა?

_ ვანო, რატომ გინდათ, რომგვარ-სახელებით მალპარაკოთ?

_ გვარ-სახელებია საინტერესო, ვალერი ბატონო…

_ ძველი თაობა, პირველ რიგში, მთავრობა და პარლამენტის ჯგუფია, მაგალითად, ვოლსკი, სუბარი, ანუ „ქართული ოცნების“ ძველი ნაწილი.

_ ამ ბრძოლაშ, თქვენი ვერსიითაა და ინფორმაციით, ივანშვილი ვის მხარესაა?

_ ივანიშვილი ამ საკითხის მომწესრიგებელი რომ ყოფილიყო, საქმეს აქამდე არ მიიყვანდა.

_ ესე იგი, პარტიაში ასეთ ვითარება აწყობს?

_ არა, არ აწყობს, მაგრამ სხვა გზა არ აქვს. იცით, როგორაა?

_ როგორ?

_ უნდა ჩამოყალიბდეს რაღაცა საყრდენი, სადაც ორმაგი თამაში არ იქნება და ვინც ამ თამაშს მოიგებს, ივანიშვილის საყრდენიც საბოლოოდ ის იქნება.

_ ვთქვათ, „ოცნების“ ძველმა თაობამ კალაძეს თბილისის არჩევნები წააგებინა და ამით ივანიშილს აჩვენა, კალაძე სუსტი კანდიდატურა იყოო. მეორე ტურში ივანიშვილი ფარულად გახარიას მხარეს დადგება თი მელიასი?

_ ივანიშვილი მელიას მხარს, რა თქმა უნდა, არ დაუჭერს. მოკლედ, ყველა ლოგიკით, გახარიას ინტერესები თამაშობს, ანუ გახარია, ამ შემთხვევაში, ოქროს შუალედში იმყოფება _ არაფერს აგებს. ეს როლი მისთვის ისეთი პოზიტიურია, რომ უკეთესსს არც ინატრებს.

_ გამოდის, რომ გახარია ივანიშვილის ფარული პროექტი, არა?

_ არაფერს გამოვრიცხავ, მით უმეტეს, ისეთ ფიგურასა თუ პერსონასთან, როგორიც ივანშვილია. ინტირიგების თვალსაზრისით, დახვეწილი წარმოდგენა კი არა, ყვეოაფერ ამასთან შეხება აქვს,მაგრამ სხვა საქმეა, ეს გახარიასთვის რამდენად ხელსაყრელია.

საერთოდ, პოლიტიკური პროცესი ყოველთვის გამჭირვალე ფორმას იღებს _ რაც უნდა მალონ, ვერფაერს დამალავენ. ამ შემთხვევაშიც ასე მოხდება, რაც გახარიას რეიტინგზე, ალბათ, კატასტროფულად იმოქმედებს. შესაბამისად, შეეცდება, გარიგების მონაწილე ფარული და ლატენტური ფორმით  იყოს, მაგრამ ეს საჯარო არ გახადოს და მკვეთრი ნაბიჯებიც არ გადადგას.

_ ამ თემის საჯაროობა, ცხადია, არც ივანიშვილს აწყობს…

_ დიახ, მკვეთრი ნაბიჯებისგან თავს შეიკავებს და, ყველა შემთხვევაში, ფარულობას შეინარჩუნებს.

_ რა ამის პასუხია და, ზოგიერთმა ანალიტიკოსმა განაცხადა, გახარია-კალაძის სახით ურსეთმა წინა პლანზე ორი ფალავანი გამოიყვანაო. იზიარებთ ამ მოსაზრებას, ბატონო ვალერი?

_ არა, ამას ცალსახად ვერ ვიტყვი იმიტომ, რომ გახარია დასვლეთში, მგონი, შემოწმებული და დატესტილია.

_ კალაძის ფიგურა არაა შემოწმებული?

_ დასავლეთშ კალაძე უფრო ისეა აღქმული, როგორც სპორტსმენი, ანუ დასავლეთისთვის ის დროებითი მოვლენაა. გახარიას კი პოლიტიკური ჭრილიდან უყურებენ და მიაჩნიათ, რომ მზარდი პერსპექტიული იდეების მქონე პოლიტიკოსია, რომელსაც გამოცდიელბაც აქვს _ ბოლოს და ბოლოს, პრემიერი იყო.

_ რაკი დასავლეთი ვახსენეთ, მოდით, ღარიბაშილის განცხადებებსაც შევეხოთ, ევროკავშირი ჩემი უფროსი არაა და არც ფინანსური დახმარება გვინდაო. ეს იმას ნიშნავს, რომ ხელისუფლება საგარეო კურსს ღიად ცვლის თუ, უბრალოდ, სინასაარჩევნო პოპულიზმია?

_ საარჩევნიო ფრაზა მგონია. არასერიოზული იქნება, პრემიერზე ვთქვა, რას ამბობს ვერ აცნობიერებს-მეთქი. ეს თანამდებობა იმდენად მაღალია და იმდენად საპასუხმიგებლოა, რომ ერთი გასროლილი სიტყვაც არ ეპატიება. ყველა სიტყვას თავისი დატვირთვა აქვს და ეს განცხადებებიც, როგორც ჩანს, ამომრჩევლის იმ ნაწილზე იყო გათვლილი, რომლიც ფიქრობს, აი, აშშ და ევროპა რატომ უნდა გვმართავდესო.

_ ისეთები, რომლებიც ხსნას რუსეთში ხედავენ, საბედნიეროდ, ბევრი არ არიან და მათი გულისმოგებას რა მიზანი აქვს?

_ არ ვიცი, ღარიბაშილმა ეს რატომ თქვა, მაგრამ ჩემია აზრით, პოლიტიკური შეცდომა იყო. ახლა გამოსავალი გინდ ისე მოძებნოს, გინდა _ ასე, შეცდომა შეცდომაა და ამ განცხადებებს შესაძლოა, სერიოზული შედგი მოყვეს, რომელიც თავად ღარიბაშვილისთვის მძიმე ტვირთი იქნება.

_ ეს „სერიოზული შედეგი“ შეიძლებ, ევროპასთან უვიზო მიმოსვლის გაუქმება იყოს?

_ არა. ალბათ, უფრო შეფასებები იქნება. ველი, რომ ამ განცხადებას სხვა განცხადებებით გამოასწორებს. ხომ ნახეთ, სალომე ზურაბშვილმა მაშინვე სხვა რამ თქვა და დასავლეთს დაანახა, ნუ გეშინია, ჩვენ აქ ვართო.

_ უნდა ჩავთვალოთ, რომ პრეზიდენტის განცხადება ივანიშილთან იყო  შეთანხმებული?

_ სალომეს განცხადება სახელწმიფოს განცხადება იყო _ პრეზიდენტი   საგარეო ურთიერთობებში პირველი პირი. ის კონსტიტყუციის გარანტიცაა. კონსტიტუციაში წერია, რომ საქართველო მიისწრაფვის ევროპული ინტეგრაციისაკენ. საერთოდ, ყველა ხელისუფალი ვალდებულია, კონსტიტუციური ჩარჩები და პრინციპები დაიცვას.

_ ბატონო ვალერი, ზოგი თვლის, რომ არჩვენებზე ასეთი შედეგი დაიდება _ „ოცნება“, ენმ და გახარია. სხვები კი, ე.წ. ძალები მესამე ძალა და ა.შ., ბარიერსაც ვერ გადალახევნ. ეს ლოგიკური პროგნოზია?

_ არა. მინიმალური ბარიერი ადგილობრივ არჩევნებზე 3 პროცენტია და პარტიამ ხუთი მუნიციპალიტეტიდან მხოლოდ ერთში რომ აიღოს ხმები, ითლება, რომ მან ბარიერი გადალახა.

_ კი ბატონო, მაგრამ ეს იმის წინაპირობას ხომ არ ქმნის, რომ ვადამდელი საპარლამენტო არჩევნები დაინიშნოს? ისე, მიუხედავად იმისა, რომ ენმ მიშელის დოკუმენტზე ხელმოწერის გადაწყვეტილება მიიღო, „ოცნება“ ამბობს, შეთანხმება მაინც ანულირებულია და ვადამდელ საპარლამენტო არჩევნებს, რამდენი პროცენტიც უნდა მივიღო, არ დავნიშნავო…

_ „ოცნება“, გარკვეული პოლიტიკური შედეგის მისაღებად, პოლიტიკურ ჟონგლიორობას ეწევა.

_ ანუ?

_ „ოცნებას“ არ უნდა, რომ სამ ძირითად საკითხზე პასუხიმგებლობა აიღოს. ხომ გახსოვთ, მიშელის დოკუმენტში რა წერია? _ საქართველოში 3 ძირითადი რეფორმა _ მართმსაჯულების, ანტიკორუფციული და პოლიტიკური რეფორმა უნდა განხორციელდეს, თუმცა „ოცნებამ“ ერთი არ განახორციელა.

_ მიშელის დოკუმენტის ანულირებაც ამიტომ მოახდინა?

_ ითქვა, „ოცნება“ 43%-ს გაექცაო, მაგრამ 43%-ს კი არა, პასუხიმგებლობას გაექცა იმიტომ, რომ ამ დოკუმენტის ხელმოწერის შემდეგ, 9 მოსამართლე აირჩია. სწორედ

ამის გამო შეაჩერა ევროპამ ტრანშის მეორე ნაწილი, ანუ ფულს რეფორმისთვის გვაძლევდა თუ რეფორმას არ აკეთებ, ფულიც არ გეკუთვნის, ხომ ასეა?

მოკლედ, „ოცნებამ“ უარი იმ რეფორმაზე თქვა, რომელიც საერთაშორისო დოკუმნეტით ჰქონდა შეთანხმებული. მისი პრინციპი ასეთია: არ ვატარებ რეფფორმას, ჩავატარებ არჩვნებს და ამ საკითხებზე მერე ვილპარაკოთ.

_ ესე იგი, „ოცნება“ ევროპას ევაჭრება?

_ რა თქმა უნდა, ევაჭრება.

_ ვაჭრობის საგანი ისაა, რომ ევროპას „ოცნების“ მიმართ კეთილგანწყობა ჰქონდეს?

_ დიახ, მაცალე, არჩვნების შედეგბი დამდებინე და მერე, რაზეც გინდა, ხელს  მოგიწერო, ანუ ახლა „ოცნება“, საარჩევნო თვალსაზრისით, წითელ ხაზზე დგას.

_ რას გულისხმობთ?

_ ყველა კვლევით, 30%-ზე მეტი არსად აქვს, ზოგან 28 და 18 პროცენტი აქვს. 10 ადამიანი რომ გააჩეროთ, 9 დედას აგინებს და ერთმა შეიძლება, უბრალოდ, თავი შეიკავოს, მაგრმა გულში იგივეს იტყვის, რაც დანარჩენმა ცხრამ ხმამაღლა თქვა.

აქედან გამომდინარე, რომ „ოცნებას“ არჩევნების მოსაგებად საკმარისი ელქტორალური მხარდაჭერა არ აქვს…

_ თუ ეს იცოდა, აბა, მიშელის დოკუმენტს ხელი რატომღა მოაწერა?

_ მაშინ კვლევები არ ჰქონდა ჩატარებული და არც იმის განცდა ჰქონდა, არჩევნები შეიძლება, წავაგოო.

ახლა კი, როცა კვლევები ჩაატარა და დარწმუნდა, რომ  გაყალბების გარდა, „ოცნების“ გადარჩენის სხვა გზა არ არსებობს, შეთანხმება ამიტომაც უარყო, თუმცა ეს არაფერს ნიშნავს.

_ რატომ?

_ ჩვენ გვაქვს კონსტიტუცია, სადაც წერია, რომ ხელშეკრულებიდან გასვლას სჭირდება ან დეზაუირება, რომელსა პარლმანეტი ამტკიცებს, ან პოზტიური მხარის ხელმოწერის უარყოფა. ასეთი მხარე კი სალომე ზურაბშვილია. ამას პრეზიდენტიც ადასტურებს  და ხელმოწერაზე უარს არ ამბობს.

მოკლედ, ასეა თუ ისე, ეს ხელშეკურლება  ძალაში რჩება და რომელიმე პარტია გავა თუ გამოვა, ამას არავინ ეკითხება. ამ შემთხვევაში, ხელმოწერაზე უარი პარტიამ თქვა და არა _ ხელისუფლებამ.

_ ბოლოს, ბატონო ვალერი, უცნაური საარჩევნო კამპანიაა _ ოპოზიცია მაინდამაინც არ აქტიურობს, რაც წაგების შანსს, ცხადია, ზრდის. შესაბამისად, ვადამდელ საპარლამენტო არჩევნებს არც „ოცნება“ დანიშნავს, არა?

_ „ოცნება“ ვადამდელ საპარლამენტო არჩევნებს თვითმმართველობის არჩვნების შედეგების გარეშე დანშნავს.

_ რატომ?

_ „ოცნებაში“ ისეთი პროცესებია დაწყბეული, რომ თუ ივანიშვილმა ვადამდელი არჩვნები არ დანიშნა, მაშინ „ოცნების“ შიგნით შეიძლება, ისეთმა ფრთამ გაიმარჯვოს, რომელიც ივანიშვილის კონტროლიდან გავა. ამიტომ, ივანიშვილი იძულებულია, რომ  ვადამდელი საპარლამენტო არჩევნები დანიშნოს.

იცით, როგორ არის?

_ როგორ?

_ დავუშვათ, კობახიძის ფრთმამ ღარიბაშვილის ფრთა დამარცხა და პრემიორებაც ჩაიბარა. ამის შემდეგ არამარიონეტულ დამოუკიდებელ თამაშს დაიწყებს.

_ ესე იგი, ივანიშვილს კობახიძის ეშინია?

_ დიახ, პარლამენტში 9-მანდატიანი რეზერვი აქვს და ამაზე კობახიძე ივაჭრებს, თუ პარტია პრობლემას მიქმნის, გავდივარ უმრავლეოსბიდანო. ასეთ შემთხვევაში უმრავლესობა იშლება და ახალი მთავრობა მოდის.

მოკლედ, კალაძე იმ ახალაგზრდული ფრთის ხელმძღვანელია, რომელიც ივანიშვილის ინტერესებში აღარ ჯდება.

_ შესაბამისად, ივანიშვიულს უნდა აწყობდეს, რომ კალაძე პირველსავე ტურში დამარცხდეს, არა?

_ რომ აწყობს, ამიტომ შეუშვა მერიაში სუსი და გამოძება, თუმცა მგონია, რომ ეს კალაძისთვის გამაფრთხილებელი წკიპურტებია.

_ ვნახოთ… თქვენი აზრით,  ვადამდელი საპარლამენტო არჩევნები 2022 წლის გაზაფხულზ იქნება თუ შემოდგომაზე?

_ ყველა ლოგიკით, ვადამდელი არჩევნები მოსალოდნელია…