21 დეკემბერს ვაზიანის სამხედრო ბაზიდან გაუჩინარებული  ჯარისკაცი, თეიმურაზ გიუნაშვილი, თბილისში იპოვეს. ინფორმაციას შინაგან საქმეთა სამინისტრო ავრცელებს. 

„სამხედრო მოსამსახურე თ.გ. 21 დეკემბერს 09:00 სთ-მდე იმყოფებოდა განწესში (სამხედრო მოსამსახურეების ქვედანაყოფი ან ჯგუფი სამხედრო ნაწილში, ხომალდზე და გარნიზონში, რომელიც ინიშნება შიდა, საყარაულო, საბაზო (საგარნიზონო) სამსახურის ან სხვა ამოცანებისა და სამუშაოების შესასრულებლად, - რედ.) და ასრულებდა დაკისრებულ მოვალეობას, ხოლო განწესის შეცვლის შემდეგ ისარგებლა კონტრაქტით გათვალისწინებული დათხოვნის უფლებით და დატოვა სამხედრო ნაწილის ტერიტორია. 

ფაქტზე გამოძიება სისხლის სამართლის კოდექსის 143-ე მუხლით მიმდინარეობს. სამხედრო მოსამსახურე თავს კარგად გრძნობს და გამოკითხვის მიზნით პოლიციის განყოფილებაშია გადაყვანილი", - წერს შსს.

ნენე ინჯგია