COVID-19-ის შესაძლო გავრცელების პრევენციის მიზნით, ამ წუთებში გურჯაანში  მოსახლეობის თერმოსკრინინგი მიმდინარეობს.

"თერმოსკრინინგი,  პირველ რიგში, მაღაზიებთან, აფთიაქებთან, ბანკებთან  მყოფ ადამიანებს და ქუჩაში გამოსულ მოქალაქეებს უტარდებათ, მეორე ეტაპზე კი სახლებში ვიზიტი იგეგმება", - აცხადებენ მერიაში.

თერმოსკრინინგს ატარებენ: გურჯაანის მერიის ზედამხედველობის სამსახურის თანამშრომლები, მერის წარმომადგენლები ადმინისტრაციულ ერთეულებში, საკრებულოს დეპუტატები და ა(ა)იპების თანამშრომლები.

თერმოსკრინინგი დღეს ქალაქ გურჯაანიდან დაიწყო და ეტაპობრივად მუნიციპალიტეტის ყველა სოფელს მოიცავს.

მაკა მოსიაშვილი