დღეს ბათუმში თურქეთიდან covid-19-ით დაინფიცირებული მოქალაქე გადმოიყვანეს. მას covid-19 თურქეთში დაუდასტურდა. აჭარის ჯანდაცვის მინისტრის მოადგილე ნინო ნიჟარაძის განცხადებით, მოქალაქეს ახლავს ორი მასთან კონტაქტირებული პირი. ამ წუთებში პაციენტი კლინიკა „მედალფაში“ გადაჰყავთ. „სარფიდან გადმოჰყავთ  საქართველოს ერთი მოქალაქე, რომელსაც covid-19 დაუდასტურდა, მაგრამ დოკუმენტაცია არ გვინახავს, ამიტომ დეტალურ ინფორმაციას ამ დროისთვის ვერ მოგაწვდით. აღნიშნულ მოქალაქესთან კონტაქტირებული კიდევ ორი პირია.  რამდენიმე წუთის წინ ისინი საზღვარზე იყვნენ“, - განაცხადა ნინო ნიჟარაძემ.

ხვიჩა მამულაძე