ბათუმში ჯავახიშვილის ქუჩაზე, ერთ-ერთ საცხოვრებელ კორპუსთან, კრიმინალური პოლიციაა მობილიზებული.

როგორც აღნიშნული ქუჩის მცხოვრებლებმა „ქრონიკა+“-ს   უთხრეს, ერთ-ერთ საცხოვრებელ ბინაში საეჭვო წარმომავლობის ნივთი იპოვეს. მეზობლების თქმით,  ბინაში ანტისანიტარია იყო,  აქედან  გამომდინარე, მათ მერიის სამსახურები გამოიძახეს.

„შპს სანდასუფთავების“ დირექტორმა,  დავით დუმბაძემ,  „ქრონიკა+“-სთან აღნიშნა, რომ ადგილზე ქვემეხის ჭურვი აღმოაჩინეს და მაშინვე 112 აცნობეს.

შს სამინისტროში „ქრონიკა+“-ს განუცხადეს, რომ  გამოძიება  სისხლის სამართლის კოდექსის 236-ე მუხლის მესამე ნაწილით – საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა/ შენახვის მუხლით მიმდინარეობს.

ხვიჩა მამულაძე