რა კავშირშია განათლების მინისტრთან საქართველოს ინოვაციებისა და ტექნოლოგიების სააგენტო?!

Kuduxaaa July 17, 2016

დასაწყისი იხ. „ქრონიკა+“ ##21-24.

ვაგრძელებთ სახელმწიფო შესყიდვების პროცესში არსებული სავარაუდო კორუფციული გარიგებებისა და კანონდარღვევების გამოვლენას და საზოგადოების ინფორმირებას.

დღეს ისევ შემოგთავაზებთ ეკონომიკის სამინისტროში არსებული დარღვევების შესახებ და დარწმუნდებით, რომ აბსოლუტური უმრავლესობა იმ ხელშეკრულებისა, რომელიც გაფორმებულია გამარტივებული (უტენდეროდ) შესყიდვების გზით, არ საჭიროებდა ამგვარ ქმედებას და სრულიად შესაძლებელი იყო ტენდერების ჩატარება, რაც აუცილებლად დაზოგავდა ბიუჯეტის თანხებს.

ეკონომიკის სამინისტრომ, სახელმწიფოს 100%-იანი მონაწილეობით, დააფუძნა საქართველოს ინოვაციებისა და ტექნოლოგიების სააგენტო (204582521). დიახ, ეს ის სააგენტოა, რომელიც საკმაოდ რეკლამირდება და რომლითაც თავს იწონებს ჩვენი მთავრობა _ ხშირად არის ხოლმე მთავრობის უმაღლესი ეშელონების შეხვედრების ადგილი. ახლა დაანონსდა ბიზნესის მხარდაჭერის პროგრამა, ე. წ. სტარტაპების დაფინანსება.

აგრეთვე, ამ სააგენტოში ხშირად ტარდება ტრენინგები სხვადასხვა თემაზე, მათ შორის, თუ როგორ ვაწარმოოთ ბიზნესი; ასევე წვრთნები სხვადასხვა იურიდიულ თუ საკონსულტაციო მომსახურებაზე.

ვნახოთ, თვითონ ეს სააგენტო როგორ აწარმოებს ბიზნესს, როგორ იყენებს სახელმწიფო სახსრებს და როგორ ეფექტიანად და რაციონალურად ხარჯავს მას?..

პირველი, რაც თვალში მოგხვდება, არის ის, რომ ეს სააგენტო ძალიან ხშირად მიმართავს გამარტივებული (უტენდერო შესყიდვები) კონტრაქტირების პოლიტიკას. მაგალითად, 2016 წლის 6 იანვარს საქართველოს ინოვაციებისა და ტექნოლოგიების სააგენტომ ხელშეკრულება გააფორმა „მართვის აკადემიასთან“ (404888797), გამარტივებული წესით, თანხით _ 155’080 ლარი.

მომსახურება მოიცავდა ტრენინგების ჩატარებას, რაც გულისხმობდა დამკვეთისთვის მენტორობის სისტემის სახელმძღვანელო პრინციპების ჩამოყალიბებას, დამკვეთის მიერ განსაზღვრული სტარტაპებისთვის, ტექნოლოგიური პარკის სერვისით მოსარგებლე დამწყები კომპანიებისთვის.

ეს ხელშეკრულება ასე ზუსტად იმიტომ აღვწერეთ, რომ ჯერ დაგანახვოთ, _ სტარტაპის პროგრამაზე ჩანაფიქრი არსებობდა, მინიმუმ, 2016 წლის იანვარში და მიუხედავად ამისა, რიგი ღონისძიებები არ დაგეგმეს. შესაბამისად, მომსახურებები უტენდეროდ შეისყიდეს, რომელსაც ქვევით მოგახსენებთ. მეორე მიზეზი გახლავთ ის, რომ, არც მეტი, არც ნაკლები, „მართვის აკადემია“ ეკუთვნის განათლების ახლანდელ მინისტრს _ სანდრო ჯეჯელავას.

საინტერესოა, რა აუცილებლობა იყო, რომ ასეთი მაღალი თანხით გაფორმებულიყო ხელშეკრულება ტრენინგისთვის უკონკურსოდ?

ალბათ, „ქრონიკა+“-ის მკითხველს აღარც გაუკვირდება, თუ ვიტყვით, რომ 2015 წლის 23 სექტემბერს მთავრობამ მიიღო განკარგულება #2052 ამ ტრენინგების სასწრაფოდ ჩატარების შესახებ (სახელმწიფო შესყიდვების კანონის მე-10 პრიმა მე-3 პუნქტის დ ქვეპუნქტი). ეს ტრენინგი, თურმე, სახელმწიფო მნიშვნელობის ღონისძიება ყოფილა და თანაც ისეთი, რომ მთავრობამ ტენდერის ჩაუტარებლობაზე განკარგულება სექტემბერში მიიღო და განათლების ახლანდელ მინისტრს ხელშეკრულება 4 თვის შემდეგ გაუფორმა!!!

ყოჩაღ, საქართველოს ინოვაციებისა და ტექნოლოგიების სააგენტოს (204582521) და, რა თქმა უნდა, ყოჩაღ, ეკონომიკის სამინისტროს!!! არის ბატონი სანდრო ჯეჯელავა იმ დონის ტრენერი, რომ არ ღირდა ვინმე უკეთესის ნახვა? ანუ არ ღირდა, ჩაგვეტარებინა რამე სახის კონკურსი? დავინტერესდეთ, იქნებ და, ვკითხოთ ბატონ სანდრო ჯეჯელავას, მიიჩნევს თავს საქართველოში და არა მარტო საქართველოში, #1 ექსპერტად სტარტაპებში და, საერთოდ, #1 ტრენერად? სარგებლობს თუ არა ის რამე განსაკუთრებული ექსკლუზივებით და თუ ეს ასეა, მაშინ ეს ხელშეკრულება უნდა „გაპრავებულიყო“ არა ამ მუხლით, არამედ სახელმწიფო შესყიდვების სხვა მუხლით, რომელიც გულისხმობს გამარტივებულ შესყიდვას, იმის გამო, რომ ამ კომპანიას აქვს ექსკლუზივი.

საინტერესოა, რომ ხელშეკრულების ვადა არის 2016 წლის 31 დეკემბრამდე და რამე უხერხულობას ხომ არ გრძნობს ბატონი მინისტრი? თანაც უნდა აღინიშნოს, რომ ბატონი ჯეჯელავა გვევლინება არა როგორც ამ კომპანიის დირექტორი, არამედ როგორც ერთ-ერთი ტრენერი და ის შეარჩიეს, როგორც ტრენერი. ახლა ვინ ატარებს ტრენინგებს და თუ ის აღარ ატარებს, მაშინ ვინ ჩაანაცვლა იგი?

თანაც, თუ ტრენინგები მთელი წელი უნდა ყოფილიყო, რა იქნებოდა, ერთი კვირა მაინც დაგვიანებით დაწყებულიყო? ჩატარებულიყო კონკურსი და ერთი 10-15000 ლარით ნაკლები გადაგვეხადა, ან, იქნებ, ვინმე უკეთესიც შეგვერჩია?

ეს ხელშეკრულება ნამდვილად არ არის ბატონი მინისტრის კომპანია „მართვის აკადემიის“ ერთადერთი შემთხვევა. ის ასევე წარმატებით დებს ხელშეკრულებას ისევ უტენდეროდ და ტრენინგებს ატარებს სს „საქართველოს სახელმწიფო ელექტროსისტემასთან“ (204995176), თანხებით 82’600.00 ლარი და 35 750 ლარი. აგრეთვე იმავე ტრენინგებში „სამოქალაქო რეესტრის სააგენტომ“ (202307404) გადაიხადა 34 800 ლარი.

რა თქმა უნდა, მას სრული უფლება ჰქონდა, თავისი კომპანიით ტრენინგები ეწარმოებინა, სანამ მინისტრი გახდებოდა. მხოლოდ აღვნიშნავთ: პრობლემა იყო და არის ის, რომ აქ აშკარად პროტექციონიზმი იკვეთება კონკურსებისა და ტენდერების ჩაუტარებლობაზე.

გავაგრძელოთ ისევ ეკონომიკის სამინისტროს საქართველოს ინოვაციებისა და ტექნოლოგიების სააგენტოს (2045825210) მიერ გაფორმებული ხელშეკრულებების განხილვა.

მაგალითად: ამ სააგენტომ 2014 წლის 13 ნოემბერს ხელშეკრულება გააფორმა უტენდეროდ თანხით 155 328 ლარზე კომპანია შპს „სქილაპთან“ (405071096), ესეც სატრენინგო მომსახურებაა.

ვნახოთ, რით გამოირჩევა ეს კომპანია, რომ უტენდეროდ მისცეს ეს ხელშეკრულება? თან გაგიკვირდებათ და მთავრობის განკარგულებიდან (სახელმწიფო მნიშვნელობის ღონისძიების სასწრაფოდ ჩატარება!!!) ერთ, თვეზე მეტია გასული!

ეს კომპანია იმით გამოირჩევა, რომ დარეგისტრირდა და დაფუძნდა ხელშეკრულების დადებამდე ერთი დღით ადრე!!! ანუ 2014 წლის 12 ნოემბერს. დამფუძნებელია უკრაინის მოქალაქე მიკოლა ბაბიი, უკრაინა 3170410691, EA751631.

ნამდვილად საინტერესო ფენომენია! როგორ უნდა იპოვო ეს ადამიანი, გაახსნევინო შპს და გააფორმებინო ხელშეკრულება და ჩაატარებინო ტრენინგები?

მაგრამ ისტორია ამით არ მთავრდება: ამ ერთი დღის შექმნილმა კომპანიამ ისეთი მოწონება დაიმსახურა, რომ მას არაერთი ხელშეკრულება გაუფორმეს.

შეგიძლიათ იხილოთ მონაცემები:

დამკვეთი: საქართველოს ინოვაციებისა და ტექნოლოგიების სააგენტო (2045825210