პატარა ბესარიონი, რომლის სიცოცხლეც საფრთხეშია შველას ითხოვს. ბესარიონის მშობლები სოციალურ ქსელ facebook-ში ავრცელებენ მიმართვას:

“დღეს ბესარიონს ჯანმრთელობის პარაკლისი გადაუხადეთ რეანიმაციაში.. ცოტა იმედი მქონდა, რომ ბუბუნა უკეთესად იყო.. მერე მივედი და ჩავეხუტე, ვკოცნიდი და ამ დროს გონზე მოვიდა, რაღაცა სასწაული იყო ეს ჩემთვის. ღვთის ძალა ვიგრძენი და იმედი მომეცა, რომ ჩემი პატარა მალე უკეთესად იქნებოდა… ცოტა ხნის მერე ბავშვი ნახა ერთ-ერთმა ”ძლიერმა პროფესორმა” ! ამ ადამიანმა კი, ყველანაირი იმედო მომისპო.!!! მითხრა, რომ აპარატიდან რომ მოიხსნას მაინც რამოდენიმე თვეს იცოცხლებსო. აჰაა, შეიძლება რამოდენიმე წელიო.. გერმანიაში კი არა, კოსმოსში რომ წაიყვანოო, მაინც ვერ იცოცხლებსო. ახალგაზრდა გოგო ხარ და კიდევ გეყოლება შვილები, ყველაფერი წინ გაქვსო. ”დამაიმედა” მინდოდა იმ წამს იმ პროფესორს ყელში ვწდომოდი და გამეჩუმებინა.. სიცოცხლე მომისპო. მე ვუთხარი, რომ მე ფაქტებს ვეყრდნობი და ზუსტად ვიცი, რომ გერმანიაში ჩემი შვილი მინიმუმ 40წლამდე მაინც იცოცხლებსმეთქი, იქ ათასნაირი პროცედურებია. სხვადასხვა ბევრად უკეთესი მედიკამენტები, ფიზიოთრაეპიები, ფილტვის მასაჟორები, ნუთუ, ეს არაფერს ნიშნაცს მეთქი? გერმანიის მოქალაქეთა 70% ეს დაავადება აქვს და თუ ამ დაავადების წინაშე მედიცინა უძლურია, მაშინ დახოცილა მთელი გერმანია. ცოცხლობენ და არიან იქ პენსიონრები ამ დაავადებით მეთქი. წაიყვანეო, როგორც გინდაო. მაგრამ იქ მოქალაქე თუ არ ხარ, არავინ არ მოგხედავსო ეს მითხრა მხოლოდ და წავიდა. რახან სასიკვდილო დიაგნოზი აქვსო, ვერაფერს ვერ ვიზამთო მეტს. არა არის ეს დიაგნოზი სასიკვდილო ჩემს შვილს სჭირს მუკოვისციდოზი. ვინც გერმანული იცით, მოძებნეთ ეს დაავადება და ნახავთ, არ იკურნება, მაგრამ მისი გაკონტროლება გერმანიაში არ არის რთული. ხალხო, ნუთუ, გამოსავალი არ არსებობს, რა გავაკეთო?! დავჯდე ექიმებს დავუჯერო და დაველოდო საბოლოო განაჩენს? როდის მომიკვდება შვილი? არა! მე ასე არ შემიძლია.. ვინმემ რაიმე ინფორმაცია თუ იცით ვის მივმართო, როგორ წავიდე.. გერმანიაში კლინიკებს რომ მივწერეთ, აზრი არ აქვს მაინც არ გვპასუხობენ. უფრო კომპეტენტური ადამიანი უნდა დაუკავშირდეს. დამაკავშირეთ ისეთ ადამიანთან, რომელიც დამაკვალიანებს.. უნდა მოვაგროვო მინიმუმ 15 000 ლარი, რომ წავიყვანო. ნუთუ გამოსავალი არ არსებობს? ნუთუ ამ დიაგნოზით ყველა ბავშვი სასიკვდილოდ არის განწირული?!“ -წერს სოციალურ ქსელში პატარა ბიჭის დედა. პატარა ბესარიონის დახმარების მსურველ ბიზნესმენებს და ყველა მოქალაქეს შეუძლიათ დაუკავშირდნენ ოჯახს შემდეგ ნომერზე: 557 243 209