მთავარი ინტერვიუ კახა კუკავა: „დღეს „ნაცობაზე“ მეტად „ქოცობა“ ტეხავს!“

კახა კუკავა: „დღეს „ნაცობაზე“ მეტად „ქოცობა“ ტეხავს!“

454
0
გაზიარება

„ქართული ოცნების“ მხარდამჭერი არასოდეს ყოფილა. შესაბამისად, მმართველი გუნდის მიმართ ლოიალობით არც ახლა გამოირჩევა. მეტიც, პარტია „თავისუფალი საქართველოს“ ლიდერის, კახა კუკავას თქმით, საქმე საქმეზე რომ მიდგეს, ანუ დავუშვათ, საკუთარი გუნდის წევრობა რომ შესთავაზოს, „ოცნებას სამ ასოზე“ გაუშვებს!
„ქრონიკა+“-თან ინტერვიუში კახა კუკავა შევარდნაძის ეპოქასაც იხსენებს და ამბობს, რომ ივანიშვილის მმართველობის სტილი, მეტ-ნაკლებად, გარდაცვლილი პრეზიდენტის მართვის სტილს ჰგავს:

_ ბატონო კახა, ირაკლი ღარიბაშვილის პოლიტიკაში დაბრუნებამ ზოგს ფილმი „მუმიების დაბრუნება“ გაახსენა. თქვენც გგონიათ, რომ მმართველ პარტიაში მუმიები ბრუნდებიან?
_ დიახ! ყველაფერი, დაახლოებით, წინა ხელისუფლებების ქმედებას ჰგავს _ ალბათ, გახსოვთ, შევარდნაძემ გაჭირვების დროს ანზორ ბალუაშვილი უშიშროების საბჭოს მდივნად რომ დააბრუნა.
ზოგადად, ერთი მხრივ, ის პრობლემები, რაც ქვეყნისა და, მათ შორის, მმართველი პარტიის წინაშე დგას და, მეორე მხრივ, პარტიის რაღაც მეორეხარისხოვან პოსტზე ღარიბაშვილის დანიშვნა არაადეკვატურობაა. ასეთი ადეკვატურობები წინა ორი მთავრობის დროსაც ძალიან კარგად გვახსოვს.
_ პარტიის პოლიტიკური მდივნობა მეორეხარისხოვანი პარტიული პოსტია?
_ დიახ, არის.
_ რატომ?
_ იმიტომ, რომ პოლიტიკური მდივანი არც პარტიის თავმჯდომარეა და არც _ გენერალური მდივანი. ისე, ისიც პრობლემაა, პარტიის რაღაც პოლიტიკურ პოსტზე ადამიანის დანიშვნა ნიუსი რომ ხდება. ყოველ შემთხვევაში, ასე არც ერთი დემოკრატიული, უფრო კონკრეტულად, განვითარებული ქვეყანაც არ იმართება. ალბათ, უცხოეთის სიახლეებს ეცნობით და დამეთანხმებით, რომ, მაგალითად, საფრანგეთში პოლიტიკურ მოვლენად არ ჩაითვლება, თუ ვინ გახდება მაკრონის პარტიის პოლიტიკური მდივანი. დასავლეთში არაფორმალური ინსტიტუტები არ არსებობს. საქართველოში კი, გასაგებია, რომ ღარიბაშვილმა, როგორც „ოცნების“ პოლიტიკურმა მდივანმა, რეალურად, სხვა ფუნქციებიც უნდა შეასრულოს, თორემ „ოცნების“ პოლიტიკური მდივანი არავის აინტერესებს. იგივე ვოლსკიზე ხალხმა გადადგომის დღეს გაიგო, რომ, თურმე, პოლიტიკური მდივანი ყოფილა.
_ ღარიბაშვილის „სხვა ფუნქცია“, თქვენი აზრით, რა არის? ამბობენ, რომ აღმასრულებელ ხელისუფლებაში შესაძლოა, ღარიბაშვილის კლანი დაბრუნდეს. ასევე არსებობს ვერსია, რომ ივანიშვილი ღარიბაშვილს კობახიძის შემცვლელად ამზადებს და პოლიტიკაში ამიტომ დააბრუნა, ანუ ის ჯერ მთაწმინდის მაჟორიტარი გახდება, შემდეგ კი _ პარლამენტის თავმჯდომარე.
_ თუნდაც ის, რომ ცნობილი არ არის, ივანიშვილი ღარიბაშვილს რა ფუნქციას ჩააბარებს _ პარლამენტის თავმჯდომარისას, თვითმმართველობისას თუ არჩევნების მმართველისას, ნიშნავს, რომ ეს კულუარული, ჩრდილოვანი და, ჩემი აზრით, ძალიან დრომოჭმული, პოსტსაბჭოთა და 90-იანი წლების პოლიტიკაა, როცა მაფიოზობა და განგსტერობა კარგ „ტიპობად“ ითვლებოდა! გარდა იმისა, რომ ეს ანტისახელმწიფოებრივი მოვლენაა, 21-ე საუკუნის ძალიან დიდი ქაჯობაა, როცა მმართველი პარტია საკითხების გადაწყვეტას ამ მეთოდებით ცდილობს!
_ ბატონო კახა, პოლიტიკაში კარგად ერკვევით და, ღარიბაშვილი ივანიშვილისთვის ხავსია თუ, როგორც ბესელიამ თქვა, ტროას ცხენი?
_ დიახ, ხავსია იმიტომ, რომ „ქართული ოცნების“ წინაშე უამრავი პრობლემა დგას, მათ შორის, ამომრჩევლის ნდობის ტოტალური დაკარგვა, უმუშევრობის ზრდა, ეკონომიკური პრობლემები, ამბოხებული ბიზნესი და ასევე ამბოხებული პარლამენტარები, სამართლიანობის აღდგენა, რუსეთთან მოუწესრიგებელი ურთიერთობები, ანუ პრობლემები მასშტაბურია, მთავრობას კი მკაფიო ხედვა ერთ საკითხზეც არ გააჩნია და ამ ფონზე ღარიბაშვილის „ოცნების“ პოლიტიკურ მდივნად დანიშვნა, დიახ, ზუსტად ხავსია!
_ ღარიბაშვილის პოლიტიკური გაცოცხლება ჯერ ისევ „ოცნების“ წევრებისთვისაც კი მოულოდნელი იყო…
_ შევარდნაძის კულუარები, ალბათ, კარგად გახსოვთ და ივანიშვილი ამიტომაც ჰგავს არა სააკაშვილს, არამედ, შევარდნაძეს.
_ ამ შედარებას რის საფუძველზე აკეთებთ?
_ შევარდნაძესაც უყვარდა ასეთი თამაშები, როდესაც ერთდროულად რამდენიმე გუნდს აქეზებდა. თავისი მმართველობის ბოლო წლებში შევარდნაძეს, მინიმუმ, სამი-ოთხი ფავორიტი ჰყავდა და თითოეულს ეგონა, რომ შევარდნაძის მემკვიდრე გახდებოდა. ეს ბალანსირების პოლიტიკა ერთი პერიოდი მუშაობდა და ამით შევარდნაძე ახერხებდა, რომ არც ერთი ფავორიტი არ გაძლიერებულიყო, მაგრამ, საბოლოოდ, როცა ყველაფერი გაიშიფრა, ამან ის გამოიწვია, რომ შევარდნაძე არავინ დაიცვა, რადგან ყველა ფავორიტი მიხვდა, რომ „გადაგდებული“ იყო.
ის, რასაც დღეს ივანიშვილი აკეთებს, ზუსტად ამას ჰგავს _ კობახიძემ ჩათვალა, რომ ის ფავორიტია.
_ მარტო კობახიძემ თუ კობახიძე-კალაძის ტანდემმა?
_ დიახ, კობახიძე-კალაძის, ანუ ივანიშვილმა ჯერ კალაძე, ასე ვთქვათ, მიუშვა, მერე _ კობახიძე. უფრო ადრე კი ღარიბაშვილი „მიუშვა“ და სწორედ მაშინ, როცა ეგონათ, მორჩა, ბიჭებო, ყველაფერი ჩვენი არისო, ახალი ფლანგი მიუქსია.
სხვათა შორის, ალასანიასაც იგივე დაემართა, როცა ეგონა, რომ ივანიშვილის მემკვიდრე იქნებოდა, ანუ ეს არის მეთოდი, რომელიც არც შევარდნაძეს გამოუგონია, არც _ ივანიშვილს. ამ მეთოდის დასასრული ცნობილია _ ივანიშვილის იზოლაცია და მარტო დარჩენა. ამას შეიძლება, კობახიძე და ღარიბაშვილი ვერ მიხვდნენ და ვირთაგვებმა ერთმანეთი შეჭამონ, მაგრამ 2020 წელს, როცა კრიტიკული წერტილი დაისმება და ივანიშვილის წინააღმდეგ ოპოზიცია და დიდი რაოდენობით ხალხი გამოვა, ივანიშვილის მხარეს აღარავინ დადგება!
არ ვიცი, კობახიძეს ან ზარდიაშვილს ამდენი ტვინი ჰყოფნის თუ არა, მაგრამ რაღა დაგიმალოთ და, თალაკვაძე და მდინარაძე ძალიან კარგად ხვდებიან, რაც ხდება და ეს სახეზეც აწერიათ _ მათი კომენტარებიდან ძველებური ხალისი და რიხი გამქრალია. ამიტომ არ მგონია, იფიქრონ, რომ ივანიშვილის გადარჩენა მათი ცხოვრების მთავარი ამოცანაა.
როგორც შევარდნაძის მთავრობაში ჯორბენაძე და სხვები, ასევე ივანიშვილის გარემოცვაში უფრო და უფრო ბევრი აცნობიერებს, რომ 2020 წელს მათი მთავარი ამოცანა ივანიშვილის გადარჩენა კი არა, სიტუაციიდან მშრალად გამოძრომა იქნება!
_ რამდენჯერმე 2020 წელი ახსენეთ, ანუ ვადამდელ საპარლამენტო არჩევნებს არ ელით?
_ 2020-ს პირობითად ვამბობ. არავინ იცის, ეს მომენტი როდის დადგება _ 2020-ში თუ 2020 წლის შემდეგ. დღეს ზუსტად მარტო იმის თქმა შეიძლება, რომ „ოცნების“ მმართველობის მესამე ვადა არ იქნება! სამწუხაროდ, ჯერჯერობით, დემოკრატიულ ქვეყანაში არ ვცხოვრობთ და ამიტომ არ შეგვიძლია, ვთქვათ, 2020-ში დემოკრატიული არჩევნები ჩატარდებაო.
_ თქვენი დაკვირვებით, ივანიშვილი „ოცნებისგან“ და, ზოგადად, პოლიტიკისგან განთავისუფლებას ხომ არ ცდილობს?
_ არა, ეს აბსოლუტური ილუზია და ჭორია, რომელიც შვიდი წელია, გვესმის. ისე, ვერ ვიტყვი, რომ ამ ჭორს მაინცდამაინც „ოცნება“ ავრცელებს.
_ აბა, ვინ ავრცელებს?
_ საქართველოში ხალხის ძალიან დიდი კასტა ჩამოყალიბდა, რომელსაც თავზე მუდმივად ვაზელინი უსვია, რადგან სულ მზად იყოს, მაგრამ ხანდახან კონკურსი იმდენად დიდია, რომ თავის შეტენას ერთ ადგილას ვერავინ ახერხებს! აი, სწორედ ეს ხალხი ავრცელებს ჭორს, ახლა ბიძინა ივანიშვილი ძველ გუნდს „დაიქნევს“ და ჩვენ დაგვიძახებსო, თორემ, სინამდვილეში, ივანიშვილი „ოცნებისგან“ განთავისუფლებას, რა თქმა უნდა, არ აპირებს და არც იმის მოლოდინი არსებობს, რომ ქვეყანაში შექმნილ კრიზისს აცნობიერებს. ყოველ შემთხვევაში, როცა მის განცხადებებს ვისმენთ, მგონი, ყველანი ვხვდებით, რომ ადეკვატურობა დაკარგული აქვს და გუნდის შეცვლას არ აპირებს.
კახელებს საუკეთესო თვისებებს ვერავინ დაუკარგავს _ პირდაპირები არიან და ღარიბაშვილმა ერთი კარგი ნამდვილად გააკეთა _ პოლიტიკაში დაბრუნების პირველივე საღამოს ინგა გრიგოლიას გადაცემაში პირდაპირ თქვა, იმიტომ კი არ დაბრუნდა, რომ რამე შეცვალოს, არამედ პირიქით, მურუსიძე და ჩინჩალაძე უზენაეს სასამართლოში უნდა გაამწესოს.
_ ივანიშვილისთვის მურუსიძე ასეთი მნიშვნელოვანი რატომ არის?
_ ივანიშვილისთვის მნიშვნელოვანი მურუსიძე კი არა, წესების იმ მუხლების დაცვაა, რომელიც გულისხმობს, „ქართულ ოცნებაში“ ყველაფერი ერთი ადამიანის ნებაზე კეთდება და გუნდის წევრებს, ასევე საზოგადოებას არ აქვს უფლება, რომ ამ ნებაზე ზეგავლენა მოახდინოს!
თუ მურუსიძის საკითხში ეს პრინციპი დაირღვა, ივანიშვილი ხვდება, რომ ეს პრინციპი სხვა საკითხებშიც დაირღვევა და ყოველ კონკრეტულ შემთხვევაში ხან გუნდის აზრის გათვალისწინება მოუწევს და ხან _ საზოგადოების.
მურუსიძე, უბრალოდ, პრეცედენტია, თორემ გვახსოვს, მაგალითად, ანტიდისკრიმინაციული კანონი და სხვა უამრავი შემთხვევა, როცა ივანიშვილმა გუნდიც ფეხზე დაიკიდა, საზოგადოებაც და ის გასდიოდა, რაც უნდოდა!
_ მურუსიძე შეიძლება პრეცედენტია, მაგრამ თქვენი დაკვირვებით, მან ივანიშვილს საკუთარი თავი თვითონ შესთავაზა თუ შუამავლების მეშვეობით?
_ თვითონაც შესთავაზა, თუმცა ამას გარდა, გარკვეული „მაკლერებიც“ იყვნენ ჩართულები.
_ ეს „მაკლერები“ ვინ იყვნენ?
_ ამ მოლაპარაკებაში ჩართულები, მაგალითად, „გირჩის“ დამფუძნებლებიც იყვნენ. ზოგადად, პორტირების პროცესი მურუსიძემ და „გირჩმა“ გახსნეს.
_ „გირჩის“ რომელ დამფუძნებელზე აკეთებთ აქცენტს, პალიკო კუბლაშვილზე?
_ გვარები არ გვინდა.
_ კარგი, ნება თქვენია… „ქართული ოცნება“ ახალი სახეების მოსაძებნად სპეციალური კომპანიის დაქირავებას აპირებს. ეს ახალი პოლიტიკური ტრენდია?
_ ეს „ბანანის რესპუბლიკის“ ტრენდია. შევარდნაძე იცით, რატომ გავიხსენე?
_ რატომ?
_ სისტემურად ივანიშვილი შევარდნაძეს ჰგავს.
თუ გახსოვთ, შევარდნაძის დროს ასეთი ტრაგიკომიკური ფაქტი მოხდა _ მებაჟეები ტოტალურად იღებდნენ ქრთამს და ინგლისური კომპანია „აი-თი-ესი“ მოიწვიეს, ანუ სახელმწიფო ფუნქცია კერძო კომპანიას გადასცეს. ეს კოლონიალიზმისა და ნეოკოლონიალიზმისთვის დამახასიათებელი აბსურდი იყო იმიტომ, რომ ამ ლოგიკით, შეიძლება ვთქვათ, ჩვენი პარლამენტარები უვიცები არიან, ჰოდა, მოდით, ასი გერმანელი დავიქირავოთ და კანონმდებლების ფუნქცია ამ დაქირავებულებს გადავცეთო. ამის მერე შეგვიძლია, ისიც ვთქვათ, ჩვენი მინისტრები საქმეებს ვერ უძღვებიან, ყველაზე კარგი მინისტრები იაპონიას ჰყავს და რომელიმე კერძო იაპონური კომპანია დავიქირავოთ, მაგალითად, „ტოიოტა“ და საქართველოს მართვის ფუნქცია 10 ან 15 წლით გადავცეთო.
მოკლედ, ყველა ხვდება, რომ კომედიაა, როცა პოლიტიკური პარტია, ლიდერების მოძებნის მიზნით, კერძო კომპანიას ქირაობს! ეს აბსოლუტური აბსურდია და იმ კრიზისის ბოლო სტადიას, რომელიც „ქართულ ოცნებაშია“, ძალიან კარგად აჩვენებს!
_ აბსოლუტური აბსურდი ცოტა ხნით გვერდით გადავდოთ და ასეთი სცენარი განვიხილოთ: კერძო კომპანიამ „ოცნებას“ ურჩია, რომ მის გადასარჩენად კახა კუკავას „გაოცნებელებაა“ აუცილებელი. „ოცნებისგან“ ასეთი შემოთავაზება რომ მიიღოთ, რას იზამთ?
_ „ნა ტრი ბუკვი“.
_ რა? მომესმა თუ მართლა სამ ასოზე გაუშვებთ?
_ რა თქმა უნდა. „ქართული ოცნება“ სამ ასოზე მაშინ გავუშვი, როცა ყველა საწინააღმდეგოდ იქცეოდა!
ისე, დღეს მაქვს მოლოდინი, რომ ხალხის უმრავლესობაც ასე მოიქცევა! ის ფაქტი, რომ „ოცნებამ“ აღიარა, კარგ ადამიანებს „ოცნებაში“ აღარ უნდათო, კრიზისი კი არა, უკვე აგონიაა! ზოგადად, კრიზისი მაშინ არის, როცა სიტუაცია გამოსავალს ექვემდებარება, აგონია კი ლეტალურ დასასრულამდე მიდის!
მოკლედ, მივედით იმ წერტილამდე, როცა, თბილისურად რომ ვთქვა, „ქოცობა“ ტეხავს! „ნაციონალების“ დასამარებაც მაშინ დაიწყო, როცა „ნაცობა“ უკვე ტეხავდა!
_ დღეს „ნაცობა“ უფრო ტეხავს თუ „ქოცობა“?
_ ალბათ, „ქოცობა“, თუმცა იმასაც არ გასვლია ყავლი, რომ „ნაცობა“ ტეხავს!
_ ეკა ბესელია მიხვდა, რომ „ქოცობა“ ტეხავს და მმართველი პარტია ამიტომ დატოვა?
_ არ მგონია, ეს გადაწყვეტილება ეკა ბესელიას ამის გამო მიეღო. როცა ვამბობ, „ქოცობა“ ტეხავს-მეთქი, ეს პოლიტიკოსებსაც ეხება, მაგრამ ამ ნათქვამში უფრო სხვა რამე იგულისხმება, ანუ 2013 ან 2014 წელს, როცა ივანიშვილი ბიზნესმენებს, ინტელიგენციას თუ საზოგადოების სხვა ფენას ხვდებოდა, ხალხს ძალიან უხაროდა, რომ ივანიშვილის გვერდით გამოჩენილიყო და მასთან სურათი გადაეღო. დღეს კი თუ შუბლზე პისტოლეტი არ დაადეს, ადამიანები ცდილობენ, „ოცნებასთან“ მიმართებით ნეიტრალიტეტი შეინარჩუნონ! მეტიც, გულში „ოცნებას“ ყველა აგინებს!
_ ბესელიამ დააანონსა, რომ ახალ პოლიტიკურ პლატფორმას შექმნის. მასთან ითანამშრომლებთ ან, სულაც, ოპოზიციის ის ფლანგი, რომელიც გაერთიანებული ოპოზიციის წევრი არ არის, „ოცნებიდან“ წამოსულებთან კოალიციას ხომ არ შექმნით?
_ ჯერჯერობით ეკასთან კონსულტაციები არ გვაქვს.
_ იმ 20 პარტიის გვერდით თუ ხართ, რომლის ინიციატივითაც, საარჩევნო სისტემის შეცვლის მოთხოვნით, მილიონი ხელმოწერა გროვდება?
_ კი, რა თქმა უნდა. საერთოდ, საქართველოში დღეს არსებული პარტიებიდან ჩვენი პარტია პირველია, რომელმაც არჩევნების მაჟორიტარული სისტემის გაუქმება მოითხოვა.
_ ხელისუფლება მაჟორიტარულ სისტემას შეელევა?
_ ამის ძალიან დიდი შანსია, თუმცა ყველაფერი მაინც ოპოზიციისა და ხელისუფლების ადეკვატურობაზე არის დამოკიდებული, ანუ შედეგი მაშინ მიიღწევა, თუ ერთ-ერთი მხარე მაინც იქნება ადეკვატური!
_ იმ შემთხვევაში, თუ ხელისუფლება ამ მოთხოვნას არ დააკმაყოფილებს, მოვლენები როგორ განვითარდება _ საპროტესტო ტალღა აგორდება? მთელი ოპოზიციური სპექტრი ქუჩაში ხალხის კრიტიკული რაოდენობის გამოყვანას შეძლებთ?
_ საარჩევნო კოდექსის შეცვლას მასობრივი საპროტესტო აქციები არც სჭირდება, რადგან ამ მოთხოვნას, ოპოზიციასთან ერთად, ივანიშვილს საერთაშორისო საზოგადოებაც კატეგორიულად უყენებს!
სხვათა შორის, ბრიუსელში, ბახტაძისა და მოგერინის ბრიფინგზე, უპრეცედენტო ამბავი მოხდა: ხელისუფლებას პირდაპირ ბრიფინგზე უთხრა მოგერინმა, საქართველოში საარჩევნო გარემო უნდა შეიცვალოსო. ეს, ვიმეორებ, აბსოლუტურად უპრეცედენტო მოვლენა იყო, რადგან მოგერინი ბრიუსელში ჩასულ სტუმრებთან ბრიფინგებს ყოველდღე მართავს, მაგრამ ასეთი პირდაპირი ტექსტით, საქართველოს გარდა, შეიძლება, მხოლოდ ვენესუელისთვის უთქვამს, კონკტრეტული საკითხები მოსაგვარებელიაო.
ანალოგიური მესიჯია ამერიკელი მაღალჩინოსნების ყველა ოფიციალურ დოკუმენტში, რომელიც ბოლო ექვსი თვის განმავლობაში საქართველოსთან დაკავშირებით გამოქვეყნდა, ანუ გარედანაც ძალიან დიდი წნეხია. საერთაშორისო წნეხს პლუს ოპოზიციის ადეკვატურობა და ხელისუფლებას, შეიძლება, არ უნდოდეს, მაგრამ იძულებული გახდება, დათმობაზე წავიდეს!
სხვათა შორის, ხელისუფლება მონოლითური მასა აღარ არის და მის შიგნითაც არიან ადამიანები, რომლებიც პირადად ივანიშვილის მიმართ, ჯერჯერობით, ლოიალობას ინარჩუნებენ და უმრავლესობიდან არ გადიან, მაგრამ ისინი ამ საერთაშორისო მოთხოვნის წინააღმდეგაც არ წავლენ! ვფიქრობ, მმართველი პარტიის საპარლამენტო უმრავლესობაში რამდენიმე ათეული ჩუგოშვილია, რომელიც საერთაშორისო რეკომენდაციების წინააღმდეგ უბრალოდ, არ წავა!
_ ოპოზიციის ადეკვატურობას რამდენჯერმე გაუსვით ხაზი. რა იგულისხმეთ?
_ ის ვიგულისხმე, რომ ეს პროცესი უფრო ინტენსიური უნდა იყოს. ამასთან დაკავშირებით ჩემი მოსაზრებები მაქვს, რასაც პერიოდულად სხვადასხვა პოლიტიკურ ძალას ვუზიარებ. არ ვიცი, ეს გაზეთში გამოსაქვეყნებლად ღირს თუ არა, მაგრამ ვფიქრობ, კამპანია უფრო სოლიდური უნდა იყოს და დასავლეთმაც დაინახოს, რომ საქართველოში ალტერნატივა არსებობს!
საქმე ისაა, რომ მას შემდეგ, რაც საქართველო დამოუკიდებელი სახელმწიფო გახდა, ხელისუფლების ცვლილებასთან დაკავშირებით დასავლეთი მხარდამჭერ პოზიციას მაშინ იკავებს, როცა ხედავს, რომ ალტერნატივა რეალურია! მაგალითად, სააკაშვილის მიმართ დასავლეთში იმედგაცრუება ძალიან ადრე დაიწყო _ 2006-2007 წლებში, მაგრამ სანამ ივანიშვილმა კოალიცია „ქართული ოცნება“ არ შექმნა, ჩვენ მიერ შექმნილ გაერთიანებულ ოპოზიციას მხარდაჭერა არ ჰქონდა, რადგან ძალიან ეკლექტური და არასერიოზული იყო.
მოკლედ, დღეს არსებობს წინაპირობა, რომ დასავლეთმა ივანიშვილი აიძულოს, გარკვეულწილად, დათმობებზე წავიდეს, მაგრამ დასავლეთს საქართველოში ისეთი ოპოზიცია, ანუ ალტერნატივა სჭრდება, რომელიც მზად არის, ხვალიდან ქვეყნის მართვას შეუდგეს!
ჩვენ უნდა გვესმოდეს, რომ დემოკრატიაც კარგია და ადამიანის უფლებებიც, მაგრამ დასავლეთისთვის საქართველოში ნომერ პირველი ინტერესი სტაბილურობაა!
_ დასავლეთის, კონკრეტულად, მოგერინის განცხადებაზე ხელისუფლებას რეაქცია არ აქვს.
_ რეაქცია, ჩემი აზრით, სწორედ იმიტომ არ აქვს, რომ ოპოზიციამ, ჯერჯერობით, შიდა წნეხი ვერ შექმნა! სხვათა შორის, ოპოზიციის ლიდერებისთვის პირისპირ საუბრისასას მითქვამს, უპრეცედენტო ვითარებაა, როცა ბრიუსელი უფრო აქტიურია, ვიდრე _ ოპოზიცია-მეთქი.
_ ამ, ასე ვთქვათ, ლუფტით ივანიშვილი ხომ არ ისარგებლებს და ე. წ. მართულ ოპოზიციას შექმნის, რომელიც ხელისუფლებას ფასადურად დაუპირისპირდება?
_ როგორც ვიცი, მინიმუმ, ორი პროექტია, რომელსაც ამჟამად „ოცნების“ პიარსამსახური ამუშავებს და ეს პროექტები ფსევდო მესამე ძალის შექმნას უკავშირდება. ესენი უშუალოდ „ოცნების“ სახეები არ არიან, თუმცა ივანიშვილს რაღაც ფორმით უკავშირდებიან.
_ ერთ-ერთი ასეთი სახე დათო მაღრაძეა, არა?
_ ჯერჯერობით გვარებზე საუბარი არ მინდა.
_ თქვენ არ გინდათ, მაგრამ მაღრაძემ თავად განაცხადა, მესამე ძალა უნდა შევქმნათო.
_ გვარებსა და სახელებზე უფრო მნიშვნელოვანი ის არის, რომ „ქართულმა ოცნებამ“ შესაძლოა, მესამე ძალა შექმნას!
სხვათა შორის, ეს გეგმა 2016-ში უკვე ვნახეთ და იგივე 2012 წელსაც ასე მოხდა _ ორი პოლუსი იყო, რომელმაც ძირითადი ხმები წაიღო და სხვადასხვა პოლიტიკურ ჯგუფს მცირედი ნარჩენი დარჩა, მაგრამ თუ სოლიდური მესამე ცენტრი შეიქმნება, მაშინ საარჩევნო ბარიერს მარტო სამი პოლიტიკური ძალა გადალახავს. პირადად მე ვლობირებ, რომ სოლიდური მესამე ცენტრი შეიქმნას, რომელიც „ოცნებისა“ და „ნაციონალების“ გარდა ყველა პოლიტიკურ ჯგუფს გააერთიანებს. ეს მრავალმხრივ დადებითი ნაბიჯი იქნება: ჯერ ერთი, ივანიშვილს თეორიულ შანსს მოუსპობს, რომ არჩევნები ხახვითა და კარტოფილით მოიგოს, მეორეც _ ეს დასავლეთისთვის სოლიდური შეთავაზება იქნება, რომ ხელისუფლების ცვლილება დესტაბილიზაციას არ გამოიწვევს და მესამეც _ მესამე ცენტრის შექმნა ქვეყნისთვისაც კარგი იქნება, რადგან აბსოლუტური ძალაუფლება ერთ პოლიტიკურ ძალას და, მით უმეტეს, ერთ პოლიტიკურ ლიდერს აღარ ექნება!
_ ბატონო კახა, ერთ თემასაც შევეხოთ: იმის გათვალისწინებით, რაც „თიბისის“ გარშემო ხდება და რამდენიმე თვის წინ „ომეგას“ გადახდა, „ოცნება“ მასობრივ რეპრესიებზე ხომ არ გადავა, რომ ბიზნესმა მესამე ძალა არ დააფინანსოს?
_ კი არ გადავა, „ოცნება“ რეპრესიებზე უკვე გადასულია, მაგრამ ივანიშვილის შეცდომებზე ხანდახან მეცინება.
_ რატომ?
_ ახლა 1991-92 წლები რომ იყოს, ამაზე მსჯელობა შესაძლებელი იქნებოდა, მაგრამ ასეთი რაღაცები სამჯერ-ოთხჯერ ვნახეთ, გამოცდილება დაგვიგროვდა და შეგვიძლია, ასპროცენტიანი ვარაუდი გამოვთქვათ, ყველაფერი ეს როგორც დამთავრდება.
_ როგორ დამთავრდება?
_ ნახევარზომები ყველაზე კონტრპროდუქტიულია, ანუ თუ რეპრესიებზე მიდიხარ, მაშინ ლუკაშენკოს უნდა დაეკითხო, ეს როგორ კეთდება, მაგრამ თუ რეპრესიებზე ბოლომდე ვერ მიდიხარ, ანუ, მაგალითად, ხაზარაძეს მხოლოდ ბწკენ და ვერ აპატიმრებ, ეს უარესია, რადგან ხელისუფლების მიმართ ლოიალურად განწყობილი ბიზნესმენის ნაცვლად ისეთ ბიზნესმენს იღებ, როგორიც, მაგალითად, პატარკაციშვილი იყო, რომელმაც თქვა, სააკაშვილის წინააღმდეგ ბოლო კაპიკამდე დავხარჯავო.
მოკლედ, ამ ტიპის რეპრესიები აბსოლუტრად კონტრპროდუქტიულია და მივესალმები.
_ რატომ მიესალმებით?
_ უკეთესია, რომ ხელისუფლების მიმართ ხაზარაძესავით ლოიალურად განწყობილი ბევრი ბიზნესმენი გაამწარონ!
ისე, ჩემთვის ცნობილია სხვა ბიზნესმენების გვარებიც, რომლებიც ტელევიზიით არ გამოდიან, მაგრამ თბილისის ელიტურ კაფეებში რომ იკრიბებიან, ივანიშვილს აგინებენ, ანუ მოლოდინი აღარავის აქვს, რომ ივანიშვილთან ურთიერთობას დაალაგებს და ისიც იცის, რომ თუ ივანიშვილი დარჩა, ხვალ მასაც მიადგებიან! ამიტომ, ყველას ინტერესშია, რომ ეს მახრჩობელა პოლიტიკურ მართვას ჩამოსცილდეს!
_ რეზიუმეს სახით, ბატონო კახა, რატომ ვერ ახდა ქართული ოცნება?
_ იმიტომ ვერ ახდა, რომ ეს ოცნება თავიდანვე ყალბი და როგორც იმ ფილმშია, უხამსი წინადადე

გიორგი აბაშიძე

 

დატოვეთ კომენტარი