„აქსისის“ გენერალური დირექტორის, გიორგი კაპანაძის მეგზურობით, მედიის წარმომადგენლებმა თბილისში მდებარე რამდენიმე დასრულებული და მშენებარე ობიექტი მოინახულეს. მედიის წარმომადგენლებს საშუალება მიეცათ, კონკრეტულად გასცნობოდნენ „აქსისის“ მიერ განხორციელებულ და დაგეგმილ პროექტებს.

გასული წლების შეჯამებისას გიორგი კაპანაძემ აღნიშნა, რომ ადგილობრივ ბაზარზე „აქსისს“ დაგროვილი გამოცდილება და ინოვაციური მიდგომებისადმი და მშენებლობის უმაღლესი სტანდარტების დანერგვისადმი ერთგულება გამოარჩევს: „სწორედ გამოცდილებამ და ამ მთავარი კომპონენტებისადმი ერთგულებამ მისცა „აქსისს“ იმის საშუალება, რომ ბევრი სხვა კომპანიისგან განსხვავებით, გადაურჩა დეველოპერულ ბაზარზე 2008 წლის შემდგომ განვითარებულ კრიზისს და შეძლო, პრაქტიკულად, წარმოუდგენელი _ შეფერხებული პროექტების განახლება და, ამასთან ერთად, რამდენიმე მსხვილი, მათ შორის, მეგაპროექტის წამოწყება. „აქსისი“ 18-წლიან ისტორიას ითვლის. ამ ხნის განმავლობაში ჩვენ განვახორციელეთ 38 მრავალსართულიანი საცხოვრებელი კორპუსის მშენებლობა, ხოლო 15 მიმდინარე და ახალი პროექტის დასრულება 2017-2018 წლებში იგეგმება. პრაქტიკულად, „აქსისი“ საქართველოში ერთადერთი მსხვილი დეველოპერული კომპანიაა, რომელმაც გადალახა სამშენებლო ბაზარზე შექმნილი კრიზისი და პოსტკრიზისულ პერიოდში კვლავ ბაზრის ლიდერის პოზიციას ინარჩუნებს“, _ განაცხადა გიორგი კაპანაძემ მედიატურის მონაწილეებთან საუბრისას.

მედიის წარმომადგენლებმა დაათვალიერეს „აქსისის“ მიერ განახლებული შეჩერებული მშენებლობა საირმის ქუჩაზე. როგორც კომპანიის დირექტორი გიორგი კაპანაძე აცხადებს, „საირმე პალასის“ 23-სართულიანი, მეორე კორპუსის მშენებლობა 2018 წლის შემოდგომაზე დასრულდება და დღემდე დაუკმაყოფილებელი მობინადრეები ახალ კორპუსში გადასვლას შეძლებენ. მისივე განცხადებით, „საირმე პალასის“ მეორე კორპუსში, პირველი კორპუსის მსგავსად, 120 ოჯახი განთავსდება.

გიორგი კაპანაძის თქმით, „საირმე პალასი“ არის ბოლო შეჩერებული ობიექტი, რითაც კომპანია გასული წლების ვალდებულებების შესრულებას დაასრულებს და მობინადრეებს სრულად დააკმაყოფილებს.

კომპანიის სადღეისოდ არსებული პორტფელი, პირობითად, შეიძლება, სამ ძირითად კატეგორიად დაიყოს: 2008 წლის კრიზისამდელი, პოსტკრიზისული და ახალი პროექტები.

2008 წლის კრიზისამდე „აქსისმა“ ააგო 18 მრავალსართულიანი საცხოვრებელი კორპუსი 10 სხვადასხვა მისამართზე. ესენი არის: პეტრიაშვილის 28 (1 კორპუსი); პეტრიაშვილის 25 (3 კორპუსი); არაყიშვილის 14 (1 კორპუსი); არაყიშვილის 16 (1 კორპუსი); თამარაშვილის 13 (3 კორპუსი); მცხეთის 17 (1 კორპუსი) და ყაზბეგის 24 (8 კორპუსი);

პოსტკრიზისულ პერიოდში 8 სხვადასხვა მისამართზე დასრულდა 20 მრავალსართულიანი საცხოვრებელი კორპუსის მშენებლობა. ესენი არის: „საირმე პალასი“ (1 კორპუსი); კედიას 10 (1 კორპუსი); აბაშიძის 34/36 (2 კორპუსი); ჭავჭავაძის 75 (2 კორპუსი); ჭავჭავაძის 49 (1 კორპუსი); კარტოზიას ქუჩა (2 კორპუსი); „პალასი 1“ (7 კორპუსი) და „პალასი 2“ (4 კორპუსი).

„აქსისის“ მენეჯმენტში აცხადებენ, რომ კომპანიას იმთავითვე სრულად ჰქონდა გააზრებული მომხმარებლის წინაშე აღებული პასუხისმგებლობა და ბაზარზე სიძნელეების შექმნის დღიდანვე, ეტაპობრივად, სტაბილურად, ყველა ნაკისრი ვალდებულება სისრულეში მოჰყავს.

გიორგი კაპანაძის განცხადებით, პოსტკრიზისული პერიოდის მშენებლობებიდან 2017-2018 წლებში „აქსისი“ უკლებლივ ყველა მომხმარებელს დააკმაყოფილებს იგივე პირობებით და გაუმჯობესებული ინფრასტრუქტურით.

კერძოდ, 2017 წელს „აქსისი“ გეგმავს დაასრულოს შემდეგი პროექტები: კედიას 10 (2 კორპუსი); „პალასი 1“ (I და VI კორპუსები) და „პალასი 2“ (IV და VI კორპუსები). 2018 წელს დასრულდება „პალასი 1“ (VII კორპუსი) და „საირმე პალასი“ (II კორპუსი).

მედიატურის მონაწილეები, ასევე, გაეცნენ იმ ახალ პროექტებსაც, რომელთაც „აქსისი“ 2017-2018 წლებში განახორციელებს. მათ შორისაა „აქსის პალასის“ სავაჭრო ცენტრი, სადაც სულ მალე გაიხსნება საქართველოში მოქმედი ჰიპერმარკეტების ერთ-ერთი ყველაზე ფართო ქსელის ფილიალი და 10 000 მ2 ფართობის ავტოსადგომი. ამავე პერიოდში დასრულდება კარტოზიას ქუჩის პროექტი (III კორპუსი), ჭავჭავაძის 75 (III და IV კორპუსები) და წინამძღვრიშვილის პროექტი (I და II კორპუსები).

საინტერესოა ისიც, რომ ამ ობიექტების უმეტესობაზე „აქსისი“, სახლის მართვის კუთხით, გეგმავს დანერგოს საქართველოს რეალობაში უპრეცედენტო მომსახურება, _ კონსიერჟის სერვისი.